Նոր հնարավորություններ՝ ամանորյա նվերների փոխարեն

Ստեղծելով երկարաժամկետ ազդեցություն. Վալան Գրուպը միանում է ՔՈԱՖ-ի առաքելությանը

Այս Ամանորին նվերները կարող են վերափոխող ազդեցություն ունենալ. միացե՛ք Վալան Գրուպի բարեգործական նախաձեռնությանը և տոնական նվերների փոխարեն կատարե՛ք նվիրատվություն «Հայաստանի մանուկներ» հիմնադրամին (ՔՈԱՖ)։

Սա Հայաստանի համայնքներում բնակվող երեխաների ու նրանց ընտանիքների համար իրական փոփոխություններ ստեղծելու ձեր հնարավորությունն է։

ԿԱՏԱՐԵԼՈՎ ՆՎԻՐԱՏՎՈՒԹՅՈՒՆ

• Դուք նպաստում եք Հայաստանի համայնքաբնակ երեխաների կրթական հնարավորությունների ընդլայնմանը
• Նրանց հաղորդակցական հմտությունների զարգացմանը
• Սոցիալ-հոգեբանական ծառայությունների հասանելիությանը
• Հայաստանի համաչափ և կայուն զարգացմանը

ՆԱԽԱՁԵՌՆՈՒԹՅԱՆ ՇՐՋԱՆԱԿՈՒՄ

Կնքվել է հուշագիր, որի նպատակն է ամրապնդել Վալան Գրուպի և ՔՈԱՖ-ի միջև գործընկերային հարաբերությունները՝ աջակցելով հիմնադրամի կրթական և համայնքային զարգացման ծրագրերին։

Արժևորելով այն մեծ ազդեցությունը, որ ՔՈԱՖ-ը թողնում է հազարավոր ընտանիքների կյանքում՝ Վալան Գրուպն այս տարի գործընկերների համար նախատեսված ամանորյա նվերների փոխարեն 2.000.000 ՀՀ դրամի չափով նվիրատվություն է կատարել ՔՈԱՖ-ին։ Ավելին՝ Վալան Գրուպը նաև արշավ է նախաձեռնել՝ հրավիրելով այլ կազմակերպություններին միանալու Հայաստանի մանուկների համար ավելի լուսավոր ապագա ստեղծելու ջանքերին։

ՎԱԼԱՆ ԳՐՈՒՊԸ

Ալյումինե դռների և պատուհանների, ֆասադային կոնստրուկցիաների առաջատար արտադրողն է Հայաստանում։ 25 տարի շարունակ Վալան Գրուպը կայուն և վստահ ընթացքով շարունակում է զարգանալ։ Ընկերությունն այսօր ունի 5 մասնաճյուղ, ավելի քան 200 աշխատակից և հանդիսանում է մոտ 60 միջազգային առաջատար ընկերությունների պաշտոնական ներկայացուցիչը Հայաստանում։ Գործընկերներն են բացառապես հավաստագրված եվրոպական առաջատար արտադրողներ, ինչը երաշխավորում է յուրաքանչյուր նախագծի բարձր որակն ու երկարաժամկետ վստահելիությունը։

ՄԻԱՑԵ՛Ք ՆԱԽԱՁԵՌՆՈՒԹՅԱՆԸ

Ձեր ներդրումը երկարաժամկետ ազդեցություն կարող է ունենալ։

Համագործակցության և այլ հարցերի դեպքում խնդրում ենք զանգահարել 010 502076 հեռախոսահամարին կամ գրել coaf@coaf.org էլ. հասցեին։