Զոհրաբ Նիկոլյան՝ քիքբոքսինգից ձյուդո

Երբ համավարակի պատճառով քիքբոքսինգի պարապմունքներն Արտենիում դադարեցվեցին, իսկ հետո տեղափոխվեցին ուրիշ համայնք, ամենից շատ տխրեց Զոհրաբը:

12-ամյա Զոհրաբ Նիկոլյանը երեք տարի պրոֆեսիոնալ քիքբոքսինգով է զբաղվել, համահայկական ու միջազգային մրցաշարերում առաջնային տեղեր զբաղեցրել:

Իսկ երբ անցյալ տարի ՔՈԱՖ-ի ձյուդոյի ծրագիրը մտավ Արտենի, Զոհրաբի ուրախությանը չափ ու սահման չկար: Սկզբից ինքը գրանցվեց, հետո փոքր եղբորը` Էդմոնին, «վարակեց» ձյուդոյով:

Առաջինը եղբայրներն են տնից դուրս գալիս, հետո, հարևան տղաներին ձեն տալով, շտապում են դպրոցի մարզադահլիճ: Մինչեւ մարզչի գալը նրանք պետք է հասցնեն տատամիները դասավորել ու պատրաստվել պարապմունքին:

Զոհրաբը դասերից հետո տուն է շտապում, որ չուշանա ձյուդոյի պարապմունքից։

Աշխարհագրության դասը Արտենիի համար 1 միջնակարգ դպրոցում։ Զոհրաբը դասընկերների հետ։

Աշխարհագրության դասին Զոհրաբը քարտեզի օգնությամբ դաս է պատասխանում:

Պարապմունքից առաջ Զոհրաբն ուղղում է եղբոր՝ Էդմոնի գոտին։

Դասամիջոցներին Զոհրաբը սիրում է պտտաձողի վրա նոր վարժություններ սովորել։

Արտենիում ՔՈԱՖ-ի ձյուդոյի ծրագրում ներգրավված են 22 երեխա։

Զոհրաբը ձյուդոյին լուրջ է վերաբերվում: Ասում է` ուզում է պրոֆեսիոնալ մարզիկ դառնալ:

Եթե կա մարզվելու հարմարանք, ուրեմն եղբայրներով մարզվելու հնարավորությունը բաց չեն թողնի։

Ընդհանրապես, ըստ չգրված օրենքի, ով առաջինը մոտեցավ հեծանիվին, նա էլ առաջինն է վարում։ Քանի որ հեծանիվը մեծ է, երբեմն երկուսով միաժամանակ են այն վարում։

‍