Հագվի՝ հայկական կալվադոսի հայրենիքը

Լոռու մարզի Հագվի գյուղում հատապտուղներից նախընտրում են մոշը, իսկ ալկոհոլից՝ կալվադոսը։ Այո՛, այո՛, ճիշտ կարդացիք՝ կալվադոս։ Այսպես են հյուրերին ավելի մատչելի բացատրում, թե ինչ է տեղական սպիտակ խնձորից թորված տնական օղին։

Դե իսկ մոշն այստեղի սարերում այնքան շատ է, որ բոլորը գիտեն՝ հագվեցիք մոշ ուտող են։

Տեղացիները միաբերան վստահեցնում են՝ իրենց գյուղի բնությունը յուրահատուկ գեղեցկություն ունի։ Լսածում համոզվելու համար բավական է կանգնել ձորի պռնկին ու շուրջբոլորը նայել։

Լեռան լանջին ծվարած փոքրիկ այս գյուղը շրջապատված է լերկ լեռներով ու թավ անտառներով։

‍

‍