ՔՈ ԴԵՐԸ
Եթե դու ստեղծագործ ես, նպատակասլաց և մոտիվացված, ունես փորձառություն տարատեսակ տեսանյութերի, տեսահոլովակների նկարահանման ու մոնտաժման աշխատանքներում, ապա ՔՈԱՖ-ի («Հայաստանի մանուկներ» բարեգործական հիմնադրամ) Տեսանկարահանման օպերատորի և մոնտաժողի դերը հենց քեզ համար է։ Առավել մանրամասն․
ՔՈ ԹԻՄԸ
Տեսանկարահանման օպերատորի և մոնտաժողի դերը ստանձնելով, դու միանալու ես ՔՈԱՖ-ի Հաղորդակցության թիմին և աշխատելու ես ՔՈԱՖ-ի Ստեղծագործական ղեկավարի անմիջական ղեկավարությամբ։
ՀԻՄՆԱԿԱՆ ՊԱՐՏԱԿԱՆՈՒԹՅՈՒՆՆԵՐ
- Պատրաստել ՔՈԱՖ-ի գործունեությունն ու ծրագրերը լուսաբանող որակյալ նյութեր, ներառյալ՝ տեսահոլովակներ, անիմացիա, գրաֆիկա (motion graphics),
- Մշակել տարբեր նախագծեր ու ծրագրեր լավագույնս ներկայացնող տեսահոլովակների կոնցեպտ, կազմել storyboard,
- Պլանավորել, մշակել ու իրականացնել ՔՈԱՖ-ի առաքելությունն ու Հայաստանի գյուղական համայնքները լուսաբանող բացառիկ նյութերի նկարահանումը և պատրաստումը,
- Իրականացնել տեսախցիկի կիրառման, ձայնի, լուսավորության ապահովման, տեղադրման և այլ պրոֆեսիոնալ գործառույթներ նկարահանման հրապարակում և դրանից դուրս,
- Մասնակցել վիդեո, անիմացիոն ու գրաֆիկական նյութերի մշակման ռազմավարական նախաձեռնությունների զարգացման գործընթացին,
- Մոնտաժել տեսանյութեր տարբեր տևողություններով ու տարբեր հարթակների համար,
- Պատշաճ կերպով վարել ՔՈԱՖ-ի տեսաարխիվը,
- Տարբեր նյութերի պատրաստման ընթացքում հետևողականորեն պահպանել բրենդային ինքնությունը, դիմագիծն ու ոճը,
- Մշտապես տեղեկացված լինել տեսանյութերի արտադրության միջազգային զարգացումներից ու մոտեցումներից։
ԴՈՒ
Սպասելով քեզանից ավելին՝ մենք ակնկալում ենք, որ․
ԴՈՒ ՈՒՆԵՆԱՍ
- Տեսանկարահանման օպերատորի մասնագիտական կրթություն,
- Տեսանյութերի մոնտաժման ժամանակակից ծրագրերի իմացություն և կիրառում,
- Տեսանկարահանումների և տեսանյութերի մոնտաժման առնվազն 4 տարվա փորձառություն,
- Ստեղծարար մտածողություն ու թիմային աշխատելաոճ,
- Տեղեկատվական տեխնոլոգիաների և համակարգչային լավ հմտություններ,
- Հայերեն լեզվի բանավոր և գրավոր գերազանց տիրապետում,
- Կազմակերպվածություն և պատասխանատվության բարձր զգացում,
- Ծանրաբեռնված գրաֆիկին դիմակայելու ու արդյունավետ աշխատելու ունակություն,
- Պարբերաբար Հայաստանի գյուղեր ճանապարհորդելու, ըստ անհրաժեշտության որոշակի օրեր շարունակ այնտեղ մնալու և աշխատելու պատրաստակամություն,
- Տեսանյութերի միջոցով հետաքրքիր պատմություններ կերտելու գիտելիք ու փորձ,
- Դոկումենտալ ոճում նկարահանումների ու մոնտաժի փորձ,
- Սցենարային մշակում,
- Կարճ ժամկետներում որակյալ տեսանյութերի պատրաստում,
- Համոզիչ նյութերի ստեղծման մտահղացումներով հանդես գալու ունակություն,
- Բոլոր տեսակի վիդեո սարքավորումների կիրառման փորձ (ներառյալ բարձրախոսեր ու լույս),
- Մոնտաժի (վիդեո և ձայն) հմտություններ։
ՄԵՆՔ
«Հայաստանի մանուկներ» բարեգործական հիմնադրամը (ՔՈԱՖ) բարեգործական կազմակերպություն է, որի նպատակն է բարձրացնել Հայաստանի գյուղաբնակների կյանքի որակը համայնքային զարգացման երեխայակենտրոն ծրագրերի միջոցով: Հիմնադրամի համակողմանի ծրագրային մոդելի իրագործումը սկսվել է 2004թ., և այդ ժամանակից ի վեր իրականացվում են կրթական, առողջապահական, սոցիալական և տնտեսական ծրագրեր, ինչպես նաև հիմնանորոգվում են համայնքների համար կենսական նշանակություն ունեցող ենթակառուցվածքները: Այս ծրագրերի շահառուներն են Հայաստանի Արմավիրի, Արագածոտնի, Լոռու բնակիչները:
2015թ. սկսած՝ ՔՈԱՖ-ը մշակել և իրագործում է ՍՄԱՐԹ նախաձեռնություն: ՍՄԱՐԹ-ը կրթության միջոցով առաջխաղացում է ապահովում գյուղականաբնակների համար, ինչի արդյունքում շահում են անհատները, հասարակությունը և միջավայրը: Որպես զարգացման օրինակելի մոդել ՍՄԱՐԹ-ը կկրկնօրինակվի Հայաստանի այլ մարզերում և համայնքներում:
ՔՈԱՖ ՍՄԱՐԹ առաջին կենտրոնը տեղակայված է Լոռու մարզի Դեբեդ գյուղում. բացումը կայացել 2018 թ. մայիսի 27-ին։
ՔՈԱՖ-ը դինամիկ և զարգացող ոչ առևտրային կազմակերպություն է: Կազմակերպությունն արագորեն ընդլայնում է իր մասշտաբները՝ մեծացնելով իր աշխատակազմը։ Մեր թիմը հակված է առաջ շարժվել արագ տեմպերով ևմենք փնտրում ենք պրոֆեսիոնալ թիմակիցներ, ովքեր օժտված են կամային որակներով և պատրաստ են փոփոխությունների։
ՄԵՆՔ ԱՌԱՋԱՐԿՈՒՄ ԵՆՔ
- Կյանք փոխող աշխատանքային փորձ,
- Աշխատանք, որը կկարևորես ու կսիրես,
- Մրցակցային աշխատավարձ,
- Առողջապահական ապահովագրություն,
- Բացի ամենամյա վճարվող արձակուրդային օրերից՝ լրացուցիչ վճարվող ազատ ժամեր և փոխհատուցվող օրեր,
- Մասնագիտական աճի հնարավորություններ,
- Անվճար անգլերենի և/կամ արևելահայերենի դասընթացներ՝ ըստ կարիքի,
- Կատարողականի բոնուս,
- Դրական և ստեղծագործ աշխատանքային միջավայր։
ՄԵՆՔ ՍՊԱՍՈՒՄ ԵՆՔ ՔԵԶ
Վերջնաժամկետը 2024թ․ օգոստոսի 20-ի օրվա ավարտն է։
Կազմակերպությունն ամենօրա հաճախականությամբ հետևում է հայտերին ու գնահատում դրանք, ինչի արդյունքում կազմակերպվում են ընթացիկ հարցազրույցներ։ Ուստի աշխատակցի ընտրությունը կարող է կատարվել հընթացս։