Լոռու սարերից մեկի գագաթին «Մեծ» անունով փոքր գյուղը (Մեծ Այրումը) 1980-90-ականներին նոր տուն դարձավ Կիրովաբադից (Գանձակ), Բաքվից, Գետաշենից, Կուշչից, Շահումյանից, էրքեջից, Զուռնաբադից և մի շարք այլ բնակավայրերից այստեղ հաստատված մարդկանց համար:
Մեծ Այրումը «Բաբելոնի աշտարակն» է հիշեցնում բառիս ամենադրական իմաստով: Այստեղ իրար են խառնվել բարբառները, խոհանոցը, մշակույթներն ու կենցաղավարության մոդելները:
Այսօր 1000-ից ավելի բնակչություն ունեցող գյուղը նորից փորձում է զարգացնել այգեգործությունը: Գյուղ տանող ճանապարհի երկայնքով կարելի է տեսնել արևածաղկի, եգիպտացորենի, ծխախոտի դաշտեր ու դեղձի, խաղողի, սալորի այգիներ:
Մեծ Այրումի դաշտեր տանող ճանապարհը:
![](https://www.coaf.org/wp-content/uploads/2023/07/50244460451_2bda449faf_c-1.jpg)
![](https://www.coaf.org/wp-content/uploads/2023/07/50244464346_a3c6b3b4bb_c.jpg)
Ռաֆիկ Խուդյանը թոշակի անցնելուց հետո նոր զբաղմունք է գտել, տնամերձ հողամասում ջերմոց է հիմնել: Գյուղում ամենաէկզոտիկ բանջարաբոստանային բույսերի տեսականին միայն նրա ջերմոցում է աճում:
![](https://www.coaf.org/wp-content/uploads/2023/07/50244461771_4c3f872bcc_c.jpg)
![](https://www.coaf.org/wp-content/uploads/2023/07/50244436681_f8b07cd8d5_c.jpg)
Պապ ու թոռ: Մհեր Մոսինյանը 7-ամյա թոռնուհուն`Դիանային, սովորեցնում է մոտոցիկլետի ղեկն ուղիղ պահել: Դիանայի մոտ վատ չի ստացվում:
![](https://www.coaf.org/wp-content/uploads/2023/07/50244653837_727d2d45f7_c.jpg)
Լեյլա Մոսինյանն ընտանիքի հետ եկել է ընկերուհուն օգնելու դեղձի բերքահավաքին:
![](https://www.coaf.org/wp-content/uploads/2023/07/50244442446_3e46439dd2_c.jpg)
Այգեգործները վստահեցնում են, որ բերքի սպառման խնդիր չունեն: Բերքի մեծ մասը հենց այգուց են վաճառում:
![](https://www.coaf.org/wp-content/uploads/2023/07/50243804973_19287cfd7f_c.jpg)
![](https://www.coaf.org/wp-content/uploads/2023/07/50243814828_8d9f93cf1d_c.jpg)
![](https://www.coaf.org/wp-content/uploads/2023/07/50243806808_24fda01c81_c.jpg)
Բազմազավակ ընտանիքի հայր Հրաչ Միրզոյանը խոտը հին մեթոդով է դեռ հնձում` գերանդիով: Ասում է` տրակտորի ծախսը շատ է:
![](https://www.coaf.org/wp-content/uploads/2023/07/50243801543_9649630579_c-1.jpg)
Ասում են`անասնապահության ծախսը մեծ է, օգուտը` քիչ: