Արմավիրի Շենիկ գյուղից 11-ամյա Էլեն Պողոսյանի էներգիան ու եռանդը չի զիջում մի ամբողջ էլեկտրակայանի հզորությանը։ Մի բան էլ, որ արժե իմանալ Էլենի մասին՝ եթե նա մտքին մի բան է դնում, դժվար թե ինչ-որ մեկը կարողանա նրան հետ պահել իր մտադրությունից։
Լինելով 11 տարեկան՝ նա հասցրել է զբաղվել ճարտարագիտությամբ, Ֆուտբոլով, ասեղնագործությամբ, պարով ու բասկետբոլով։
Հետաքրքրություններն իհարկե սրանցով չեն սահմանափակվում։ Նա ուզում է դառնալ միաժամանակ բասկետբոլի մարզիչ ու պարի ուսուցիչ։
Պարով նա զբաղվել է 6 տարի, իսկ ՔՈԱՖ-ի բասկետբոլի ծրագրին մի տարի է, ինչ մասնակցում է և միտք չունի թողնել այն։
