Օձունից Պետրոսյան քույրերի ընտանիքում արդեն կատակում են, որ ՍՄԱՐԹ-ի ոչ մի ծրագիր «անհետևանք չի անցնում»։
Այսպես 12-ամյա Վերգինեն ագրոտեխնոլոգիայի ծրագրից ոգևորված իրենց բակում ազնվամորու փոքրիկ այգի է հիմնել, իսկ 17-ամյա Նարեն տարվել է չինական մշակույթով ու մոռացել պատառաքաղի մասին՝ նախընտրելով չինական փայտիկները։
Քույրերը ՍՄԱՐԹ-ի ծրագրերի մարաթոնի ռեկորդակիր են։ Այս պահին երկուսն էլ իրենց 10-րդ ծրագիրն են անցնում։ Նարեի համար դա վերջինն է, իսկ Վերգինեն մտադիր է բոլոր 15-ն էլ ավարտել։
«ՍՄԱՐԹ-ը, նախ և առաջ, հնարավորությունների, կարողություններդ բացահայտելու և տարբեր համայնքներից նոր ընկերներ ձեռք բերելու տեղ է»,- ասում է Նարեն։
Քույրերը նաև ՔՈԱՖ-ի ու «Վահէ և Լյուսի» հիմնադրամի կազմակերպած «Հայկականի արդիականացում» արվեստի մրցույթի հաղթողներից են։
![](https://www.coaf.org/wp-content/uploads/2024/03/53566148087_d42bac3fc7_o-1024x683.jpg)
Անհնար է ապրել արվեստագետների ընտանիքում ու գոնե «մի քիչ չնկարել»։ Վերգինեի բոլոր ծրագրավարներն ունեն նրա արած դիմանկարները, իսկ Նարեն հաջողացրել է տան եղած բոլոր վինիլային սկավառակները նկարազարդել։
![](https://www.coaf.org/wp-content/uploads/2024/03/53567002251_f594022170_o-scaled.jpg)
Լավ հիշեք Նարեին, նա ամենայն պատասխանատվությամբ խոստանում է Նոբելյան մրցանակ ստանալ ֆիզիոլոգիայի ոլորտում։ Ինչպես տեսնում եք, նա արդեն անցել է գործի։
![](https://www.coaf.org/wp-content/uploads/2024/03/53567321679_3fb52c52ef_o-scaled.jpg)
Վերգինեն բոլոր անհասկանալի իրավիճակներում նախընտրում է նկարել։
![](https://www.coaf.org/wp-content/uploads/2024/03/53566148227_abeeeb65fb_o-1024x682.jpg)
Պետրոսյանների տանը դժվար է գտնել մի անկյուն, որին աղջիկների վրձինը կպած չլինի։
![](https://www.coaf.org/wp-content/uploads/2024/03/53567002056_5ae4c2a6b0_o-scaled.jpg)
Քույերը սիրում են միասին ժամանակ անցկացնել, ռուբիկ-կուբիկի նոր բանաձև սովորել կամ պարզապես զրուցել դեսից-դենից։
![](https://www.coaf.org/wp-content/uploads/2024/03/53585577738_ebb1cfc499_o-1024x683.jpg)
Մարքեթինգը Նարեի վերջին ծրագիրն է։
![](https://www.coaf.org/wp-content/uploads/2024/03/53585349441_d1fdbf6ae0_o-1024x683.jpg)
Եվս հինգ ծրագիր և Վերգինեն կդառնա այն եզակի ՍՄԱՐԹ քաղաքացիներից, ում հաջողվել է ավարտել կրթակարգի բոլոր 15 ծրագրերը։
![](https://www.coaf.org/wp-content/uploads/2024/03/53585577398_328d197230_o-1024x683.jpg)
Մարքեթինգի խմբային աշխատանքները միշտ աշխույժ են անցնում։
![](https://www.coaf.org/wp-content/uploads/2024/03/53585349846_ef4feebdc8_o-1024x683.jpg)
VR ֆիթնեսի ժամանակ և ՍՄԱՐԹ-ում առհասարակ Վերգինեն փորձում է «գլխից բարձր թռնել»։
Հեղինակ՝ Քնար Բաբայան