Հյուրանոցի մաքրության վերահսկող

ՔՈ ԴԵՐԸ

Եթե սիրում ես հյուրընկալության և սպասարկման ոլորտը, ունես փորձառություն այդ ոլորտում, ապա ՔՈԱՖ-ի («Հայաստանի մանուկներ» բարեգործական հիմնադրամ) Կոնցեպտ հյուրանոցում և Համագումարների կենտրոնում մաքրության վերահսկողի դերը հենց քեզ համար է։ Առավել մանրամասն․

ՊԱՐՏԱԿԱՆՈՒԹՅՈՒՆՆԵՐ

Համակարգել հյուրանոցի մաքրուհիների և լվացքատան աշխատակցի աշխատանքները, կազմել աշխատանքային գրաֆիկ և հետևել աշխատանքային ժամերին։
Մշակել հյուրանոցի ընդհանուր տարածքի մաքրության գրաֆիկը՝ ըստ տարածքների, ժամանակահատվածի և պատասխանատու մաքրուհու, հետևել, որ այն ճշգրտորեն իրականացվի։
Մշակել է սենյակների և տարածքների մաքրման ընթացակարգեր, ներկայացնել մաքրուհիներին և հետևել ընթացակարգերի պահպանմանը։
Ստուգել սենյակների մաքրությունը հյուրերին տրամադրելուց առաջ՝ համոզվելով, որ սենյակների պարագաների դասավորվածությունը համապաատսխանում են սահմանված կարգերին և չափանիշներին։
Հետևել, որ հյուրանոցի սենյակների, ընդհանուր տարածքի, համագումարների համար նախատեսված սենյակների, ռեստորանի և դրսի հատվածի մաքրությունը լինի գերազանց։
Հետևել, որ մաքրման աշխատանքները կազմակերպվեն այնպես, որ որևէ վնաս չհասցվի ապակիներին, շինությանը, առկա գույքին, գործիքներին, սարքավորումներին և միջոցներին։
Հսկել, որ սահմանված ժամկետներում իրականացվեն Կոնցեպտ հյուրանոցի և համագումարների կենտրոնի ապակիների մաքրման աշխատանքները։
Հետևել լվացքատան աշխատանքներին, նպաստել, որ անկողնային պարագաների պիտանելիությունը երկարատև լինի։
Հսկել սենյակային պարագաների և տնտեսական ապրանքների պահեստը, իրականացնել ամսական գույքագրում, համագործակցել հյուրանոցի հաշվետարի հետ։
Համագործակցել է ընդունարանի աշխատակիցների հետ՝ տեղեկացված լինելու ժամանող հյուրերի և միջոցառումների վերաբերյալ, ինչպես նաև վերջիններիս տեղեկանել սենյակների մաքրման կարգավիճակի մասին։
Քաջատեղյակ լինել մաքրող պարագաների և նյութերի կիրառելիության և ճիշտ օգտագործման մասին, նպաստել, որ նյութերը օգտագործվեն նպատակային և խնայողաբար։
Ներկայացնել հաշվետվություններ Կոնցեպտ հյուրանոցի և համագումարների կենտրոնի ղեկավարին՝ ըստ անհրաժեշտության։

ՔՈ ԹԻՄԸ

Ստանձնելով Կոնցեպտ հյուրանոցում մաքրության պատասխանառուի դերը՝ դու կմիանաս ՔՈԱՖ Կոնցեպտ հյուրանոցի և Համագումարների կենտրոնի թիմին և կաշխատես Կոնցեպտ հյուրանոցի և Համագումարների կենտրոնի ղեկավարի անմիջական ղեկավարությամբ։

ԴՈՒ

Սպասելով քեզանից ավելին՝ մենք ակնկալում ենք, որ․

ԴՈՒ ՏԻՐԱՊԵՏԵՍ

Սպասարկման ոլորտի առանձնահատկություններին, քանի որ ունես սպասարկման ոլորտում աշխատանքային փորձ։
Թիմի ղեկավարման հմտություններին, քանի որ ունես թիմ առաջնորդելու փորձ։
GSuite համակարգով աշխատանքին։
Անգլերենի և ոուսերենի։

ԴՈՒ ԿԱՐՈՂԱՆԱՍ

Արագ կողմնորոշվել ցանկացած իրավիճակում։
Մեծ պատասխանատվությամբ մոտենալ աշխատանքին։
Համակարգային մոտեցում կիրառել աշխատանքի ընթացքում։

ԴՈՒ ԼԻՆԵՍ

Պատրաստ մասնագիտական զարգացման։
Պատրաստ աշխատել թիմային միջավայրում:
Պարտաճանաչ և արագաշարժ։

ՄԵՆՔ

«Հայաստանի մանուկներ» բարեգործական հիմնադրամը (ՔՈԱՖ) բարեգործական կազմակերպություն է, որի նպատակն է բարձրացնել Հայաստանի գյուղաբնակների կյանքի որակը համայնքային զարգացման երեխայակենտրոն ծրագրերի միջոցով: ՔՈԱՖ-ի զարգացման թիրախային ոլորտներն են կրթությունը, առողջապահությունը, երեխայի և ընտանիքի աջակցության ծառայությունները, ինչպես նաև սոցիալական և տնտեսական զարգացումը: ՔՈԱՖ-ը մեկնարկել է իր ծրագրերը 2004թ.-ին՝ սկսելով մեկ գյուղից և ընդլայնվելով դեպի 82 համայնք՝ ներդնելով ավելի քան 70 մլն ԱՄՆ դոլար՝ համայնքային ենթակառուցվածքների և զարգացման ծրագրերի մեջ, իր թիրախում ունենալով 107,000-ից ավել գյուղաբնակ շահառու:

2015թ. սկսած՝ ՔՈԱՖ-ը մշակել և իրագործում է ՍՄԱՐԹ նախաձեռնությունը: ՍՄԱՐԹ-ը կրթության միջոցով առաջխաղացում է ապահովում գյուղական աշխարհի համար, ինչի արդյունքում շահում են անհատները, հասարակությունը և միջավայրը: Որպես զարգացման օրինակելի մոդել՝ ՍՄԱՐԹ-ն այժմ տարածվում է Հայաստանի այլ մարզերում և համայնքներում:

ՔՈԱՖ ՍՄԱՐԹ առաջին կենտրոնը տեղակայված է Լոռու մարզի Դեբետ գյուղում. բացումը կայացել 2018 թ. մայիսի 27-ին։

ՄԵՆՔ ԱՌԱՋԱՐԿՈՒՄ ԵՆՔ

Կյանք փոխող աշխատանքային փորձ,
Աշխատանք, որը կկարևորես ու կսիրես,
Մրցակցային աշխատավարձ,
Մասնագիտական աճի հնարավորություններ,
Անվճար անգլերենի դասընթացներ՝ ըստ կարիքի,
Դրական և ստեղծագործ աշխատանքային միջավայր։

ՄԵՆՔ ՍՊԱՍՈՒՄ ԵՆՔ ՔԵԶ

Վերջնաժամկետը՝ 2024թ․ նոյեմբերի 8 -ի օրվա ավարտն է։

Կազմակերպությունն ամենօրյա հաճախականությամբ հետևում է հայտերին ու գնահատում դրանք, ինչի արդյունքում կազմակերպվում են ընթացիկ հարցազրույցներ։ Ուստի աշխատակցի ընտրությունը կարող է կատարվել հընթացս։