ՔՈ ԴԵՐԸ

Որպես Արտաքին հարաբերությունների ղեկավար՝ դուք կնպաստեք ՔՈԱՖ-ի ռազմավարական նպատակների առաջխաղացմանը՝ ստեղծելով և զարգացնելով գործընկերային հարաբերություններ դիվանագիտական առաքելությունների, միջազգային կազմակերպությունների և բիզնես գործընկերների հետ: Դուք կհամակարգեք դրամաշնորհների և ֆինանսական միջոցների ներգրավումը, տեխնիկական աջակցությունների կազմակերպումը և թիմի աշխատանքը՝ ապահովելով ՔՈԱՖ-ի ծրագրերի կայունությունը և ազդեցության ընդլայնումը:

ՔՈ ԹԻՄԸ

Դու կմիանաս ՔՈԱՖ թիմին և կաշխատես ՔՈԱՖ Գործադիր տնօրենի անմիջական ղեկավարությամբ։

ՊԱՐՏԱԿԱՆՈՒԹՅՈՒՆՆԵՐ

ԳՈՐԾԸՆԿԵՐՈՒԹՅՈՒՆՆԵՐԻ ՀԱՍՏԱՏՈՒՄ ԵՎ ԶԱՐԳԱՑՈՒՄ

• Հաստատել և զարգացնել նոր գործընկերություններ դիվանագիտական և միջազգային ներկայացուցչությունների, միջազգային ֆոնդերի և հեղինակավոր ոչ առևտրային կազմակերպությունների հետ՝ ՔՈԱՖ-ի ռազմավարական նպատակներին աջակցության և դրանց տարածման նպատակով․
• Հաստատել և զարգացնել նոր գործընկերություններ ՀՀ-ում և ՀՀ-ից դուրս գործող առևտրային կազմակերպությունների հետ՝ ՔՈԱՖ-ի կողմից իրականացվող ծրագրերի աջակցության ապահովման նպատակով․
• Ապահովել առկա գործընկերների հետ կապերի խորացում և համագործակցության ընդլայնում:
• Մշակել ռազմավարական պլաններ, որոնք ուղղված են նոր գործընկերների ներգրավմանը և երկարաժամկետ համագործակցությունների հաստատմանը:
• Իրականացնել նոր գործընկերների ներգրավման գործընթաց՝ ընդգծելով ՔՈԱՖ-ի ռազմավարական նպատակներն ու սոցիալական ազդեցությունը:

ՖԻՆԱՆՍԱԿԱՆ ՄԻՋՈՑՆԵՐԻ ՆԵՐԳՐԱՎՈՒՄ

• Ապահովել դրամաշնորհային ծրագրերի որոնման, դրամաշնորհային հայտերի մշակման և ներկայացման գործառույթի պատշաճ և արդյունավետ իրականացումը` համագործակցելով կազմակերպության այլ ստորաբաժանումների հետ․
• Ներգրավել ֆինանսական միջոցներ առկա դոնորներից, միջազգային ֆոնդերից, հեղինակավոր ոչ առևտրային կազմակերպություններից և բիզնեսներից:

ՏԵԽՆԻԿԱԿԱՆ ԱՋԱԿՑՈՒԹՅԱՆ ԾՐԱԳՐԵՐ

• Ներգրավել տեխնիկական աջակցություններ, որոնք նպաստում են ՔՈԱՖ-ի նպատակների իրականացմանը:
• Կազմակերպել բիզնես գործընկերների սոցիալական պատասխանատվության ծրագրերում ՔՈԱՖ-ի ռազմավարական նպատակների ներառման ուղղությամբ ակտիվ աշխատանքների իրականացումը
• Ապահովել ՔՈԱՖ-ի ազդեցության և գործունեության հիշատակումների աճ՝ գործընկերների հրապարակումներում կամ խոսույթներում:

ՄԱՐԴԿԱՅԻՆ ՌԵՍՈՒՐՍՆԵՐԻ ԿԱՌԱՎԱՐՈՒՄ

• Ղեկավարել արտաքին հարաբերությունների թիմի աշխատանքը:
• Ապահովել թիմի անդամների մասնագիտական աճ և արդյունավետ համագործակցություն:
• Համագործակցել ՔՈԱՖ-ի այլ թիմերի ղեկավարների հետ (սերտորեն աշխատել զարգացման և հաղորդակցման թիմի ղեկավարների հետ)։

ՀԱՇՎԵՏՎՈՂԱԿԱՆՈՒԹՅՈՒՆ ԵՎ ԱՐԴՅՈՒՆՔՆԵՐԻ ՄՇԱԿՈՒՄ

• Մշակել և ներկայացնել պարբերական հաշվետվություններ արտաքին հարաբերությունների ստորաբաժանման գործունեության, ներգրավված միջոցների և հաստատված համագործակցությունների վերաբերյալ:
• Մշակել, իսկ անհրաժեշտության դեպքում՝ աջակցել այլ ստորաբաժանումներին դրամաշնորհային ծրագրերի հաշվետվություններ պատրաստելիս և դրանք ներկայացնել դրամաշնորհառուին
• Ներկայացնել ՔՈԱՖ-ի ազդեցության և հաջողության պատմությունները միջազգային հարթակներում:

ԱՅԼ ՊԱՐՏԱԿԱՆՈՒԹՅՈՒՆՆԵՐ

• Կատարել գործադիր տնօրենի կողմից տրված հանձնարարությունները։

ԴՈՒ

Սպասելով քեզանից ավելին՝ մենք ակնկալում ենք, որ․

ԴՈՒ ՈՒՆԵՆԱՍ

Պահանջվող հմտություններ և փորձառություն

• Բարձրագույն կրթություն.
• Առնվազն 5 տարվա փորձ արտաքին հարաբերությունների և գործընկերությունների կառավարման ոլորտում.
• Անգլերենի գերազանց իմացություն (գրավոր և բանավոր), ռուսերենը և ֆրանսերենը՝ ցանկալի.
• Դրամաշնորհային ծրագրերի մշակման և ներկայացման փորձառություն.
• Հաղորդակցման, բանակցությունների և թիմային աշխատանքի կազմակերպման գերազանց հմտություններ.
• ՔՈԱՖ-ի առաքելության և սոցիալական ծրագրերի վերաբերյալ ներկայացման և նոր գործընկերների ներգրավման հմտություններ.
• Վերլուծական մտածողություն և ուշադրություն մանրուքների նկատմամբ:

Ցանկալի հմտություններ

• Միջազգային դոնոր կազմակերպությունների հետ աշխատանքի փորձ
• Բազմաթիվ առաջնահերություններ կառավարելու ունակություն
• Թիմում ադրյունավետ աշխատելու հմտություններ։

ՄԵՆՔ

«Հայաստանի մանուկներ» բարեգործական հիմնադրամը (ՔՈԱՖ) բարեգործական կազմակերպություն է, որի նպատակն է բարձրացնել Հայաստանի գյուղաբնակների կյանքի որակը համայնքային զարգացման երեխայակենտրոն ծրագրերի միջոցով: ՔՈԱՖ-ի զարգացման թիրախային ոլորտներն են կրթությունը, առողջապահությունը, երեխայի և ընտանիքի աջակցության ծառայությունները, ինչպես նաև սոցիալական և տնտեսական զարգացումը: ՔՈԱՖ-ը մեկնարկել է իր ծրագրերը 2004թ.-ին՝ սկսելով մեկ գյուղից և ընդլայնվելով դեպի 82 համայնք՝ ներդնելով ավելի քան 70 մլն ԱՄՆ դոլար՝ համայնքային ենթակառուցվածքների և զարգացման ծրագրերի մեջ, իր թիրախում ունենալով 107,000-ից ավել գյուղաբնակ շահառու:

2015թ. սկսած՝ ՔՈԱՖ-ը մշակել և իրագործում է ՍՄԱՐԹ նախաձեռնությունը: ՍՄԱՐԹ-ը կրթության միջոցով առաջխաղացում է ապահովում գյուղական աշխարհի համար, ինչի արդյունքում շահում են անհատները, հասարակությունը և միջավայրը: Որպես զարգացման օրինակելի մոդել՝ ՍՄԱՐԹ-ն այժմ կրկնօրինակվում է Հայաստանի այլ մարզերում և համայնքներում:

ՔՈԱՖ ՍՄԱՐԹ առաջին կենտրոնը տեղակայված է Լոռու մարզի Դեբետ գյուղում. բացումը կայացել 2018 թ. մայիսի 27-ին։

ՄԵՆՔ ԱՌԱՋԱՐԿՈՒՄ ԵՆՔ

• Կյանք փոխող աշխատանքային փորձ,
• Աշխատանք, որը կկարևորես ու կսիրես,
• Մրցակցային աշխատավարձ,
• Մասնագիտական աճի հնարավորություններ,
• Անվճար անգլերենի դասընթացներ՝ ըստ կարիքի,
• Դրական և ստեղծագործ աշխատանքային միջավայր:

ՍՊԱՍՈՒՄ ԵՆՔ ՔԵԶ

Վերջնաժամկետը՝ 2025թ․ հունվարի 31-ի օրվա ավարտն է։

Կազմակերպությունն ամենօրյա հաճախականությամբ հետևում է հայտերին ու գնահատում դրանք, ինչի արդյունքում կազմակերպվում են ընթացիկ հարցազրույցներ։ Ուստի աշխատակցի ընտրությունը կարող է կատարվել հընթացս։