Մենք խորապես հավատում ենք, որ որակյալ առողջապահությունը հիմնարար իրավունք է, և բժշկական ու ատամնաբուժական խնամք տրամադրելու մեր նվիրվածությունն անսասան է:
Բացելով գերժամանակակից բժշկական կենտրոն Լոռու Դսեղ գյուղում՝ ՔՈԱՖ-ը ոչ միայն կապահովի գյուղաբնակների մատչելի և հուսալի բժշկական ծառայությունները, այլև կծառայի որպես կարևոր պիլոտային հարթակ ՀՀ Առողջապահության նախարարության առողջության առաջնային պահպանման բարեփոխումների նախաձեռնության համար: Մեր ջանքերն ուղղված են բարելավման ռազմավարությունների մշակմանը, որոնք կարող են հեղափոխել առողջապահական ծառայությունների մատչելիությունն ու հասանելիությունը Հայաստանի ավելի լայն գյուղական համայնքների համար:
Բարելավել քրոնիկ հիվանդությունների բուժումը
Մենք զբաղվում ենք Հայաստանում հիվանդացության և մահացության մեջ առկա ամենալուրջ խնդիրներով՝ ուշադրությունը սևեռելով հիպերտոնիայի և շաքարախտի վրա:
Բարելավել մանկան խնամքը և քաղցկեղի զննումները
Մենք սահմանում ենք մանկան խնամքի և քաղցկեղի սքրինինգի նոր ստանդարտներ՝ ներդնելով գիտահեն նորագույն մեթոդներ:
Հզորացնել առաջնային խնամքի պատասխանատուներին
Սերտորեն համագործակցելով առաջնային խնամքի պատասխանատուների հետ՝ մենք բացահայտում ենք բարելավման հնարավորությունները և իրականացնում նպատակային ուսուցում՝ նրանց որակավորումը բարձրացնելու համար:
Ներդնել խնամքի համալիր մեթոդ
Համախմբելով սոցիալական աշխատողներին, հոգեբաններին և առաջնային խնամքի պատասխանատուներին՝ մենք ստեղծում ենք աջակցության համալիր համակարգ՝ յուրաքանչյուր պացիենտի յուրահատուկ կարիքները բավարարելու համար:
Հզորացնել շտապ բժշկական օգնությունը
Մեր առաջնային խնամքի թիմի վերապատրաստումը թույլ է տալիս մեզ առավել արդյունավետ ախտորոշել և բավարարել սուր բժշկական կարիքները ինչպես երեխաների, այնպես էլ մեծահասակների շրջանում:
Միավորվել շահագրգիռ կողմերի հետ
Համատեղ պետական և մասնավոր շահագրգիռ կողմերի հետ՝ մենք նպաստում ենք համայնքահեն և միասնական վերափոխումներին:
«Հայաստանի մանուկներ» բարեգործական հիմնադրամը (ՔՈԱՖ) շահույթ չհետապնդող հասարակական կազմակերպություն է, որի նպատակն է բարձրացնել Հայաստանի գյուղաբնակների կյանքի որակը համայնքային զարգացման երեխայակենտրոն ծրագրերի միջոցով:
Նյու Յորք, ԱՄՆ
149 5-րդ պողոտա, Suite 500
Նյու Յորք, NY 10010
+1 (212) 994-8234
coaf@coaf.org
Երևան, Հայաստան
Մելիք Ադամյան 2/2
Երևան 0010, ՀՀ
+374 10 502076
Շահույթ չհետապնդող կազմակերպություն (#11-3579187)։ © 2005-2024 «Հայաստանի մանուկներ» բարեգործական հիմնադրամ։ Բոլոր իրավունքները պահպանված են։
ԿԱՊ ՄԵԶ ՀԵՏ
