ՍՄԱՐԹ ծրագրերի ընդլայնման համակարգող

ՔՈ ԴԵՐԸ

ՍՄԱՐԹ ծրագրերի ընդլայնման համակարգողը պատասխանատու է ՔՈԱՖ ՍՄԱՐԹ կենտրոնների նոր բացվող կրթական հաստատությունների մեկնարկի նախագծերի մշակման, դրանց արդյունավետ գործարկման և շարունակական զարգացման համար։ Նա նպաստելու է ՍՄԱՐԹ կրթակարգի մոդելի հարմարեցմանը նոր համայնքներում՝ համադրելով Լոռու ՍՄԱՐԹ կենտրոնի հաջողված փորձը և առաջարկելով նորարարական լուծումներ։

ՀԻՄՆԱԿԱՆ ՊԱՐՏԱԿԱՆՈՒԹՅՈՒՆՆԵՐ

ԿԱԶՄԱԿԵՐՊՉԱԿԱՆ ԱՇԽԱՏԱՆՔՆԵՐ

Մշակել և իրականացնել ՍՄԱՐԹ կենտրոնների մեկնարկի ռազմավարական/մարտավարական պլանները։
Կազմակերպել նոր կենտրոնների թիմերի ձևավորման գործընթացը՝ ընդգրկելով տեղական և ՔՈԱՖ-ի փորձառու մասնագետներին։
Մշակել նոր կենտրոնների կազմակերպչական կառուցվածքը, աշխատանքային նկարագրերը և բյուջետային մոդելները՝ թիմի հետ համագործակցությամբ։
Համակարգել նոր ՍՄԱՐԹ կենտրոնների համայնքային իրազեկման և ներգրավման գործընթացները։
Իրականացնել պարբերական հանդիպումներ համայնքային, պետական և մասնավոր կառույցների ներկայացուցիչների հետ՝ համագործակցության հնարավորություններ ստեղծելու համար։
Իրականացնել գործընկեր կառույցների կարիքների ուսումնասիրություն, ինչը թույլ կտա նոր կենտրոններում համագործակցության մոդելներ ներդնել:

ԿՐԹԱԿԱՆ ԲՈՎԱՆԴԱԿՈՒԹՅՈՒՆ ԵՎ ՈՐԱԿԻ ԱՊԱՀՈՎՈՒՄ

Աջակցել նոր ՍՄԱՐԹ կենտրոնների կրթակարգի մշակմանը՝ տեղային առանձնահատկություններին համապատասխան։
Մշակել կրթական ծրագրերի ներդրման և գնահատման մեխանիզմներ։
Համակարգել կենտրոնների ազդեցության չափման համակարգի ստեղծումն ու ներդրումը՝ ծրագրերի արդյունավետությունը գնահատելու նպատակով։
Իրականացնել մարզային ուսումնասիրություններ՝ կրթական պահանջները և աշխատաշուկայի միտումները վերլուծելու համար։
Ներգրավվել կրթական բովանդակության մշակման աշխատանքներում՝ համագործակցելով բովանդակության ստեղծող փորձագետների հետ։

ՄԵԹՈԴԱԿԱՆ ԱՇԽԱՏԱՆՔՆԵՐ

Համակարգել ուսումնական նյութերի և մեթոդական ուղեցույցների մշակումը նոր կենտրոնների թիմերի համար՝ ներառելով կրթական և տեխնիկական գործընթացների քարտեզագրումը:
Աջակցել նոր աշխատակիցների վերապատրաստման գործընթացին՝ ապահովելով նրանց ինտեգրումը ՍՄԱՐԹ կրթակարգին։
Առաջարկել կրթական ծրագրերի ժամանակացույցի և լոգիստիկայի լուծումներ՝ տարածաշրջանային առանձնահատկություններին համապատասխան։

ԿԱՌԱՎԱՐՄԱՆ ԵՎ ԹԻՄԱՅԻՆ ԱՇԽԱՏԱՆՔՆԵՐ

Համակարգել ծրագրային հանձնաժողովի հանդիպումները և ապահովել որոշումների իրականացման ընթացքը։
Մշտապես համագործակցել Լոռու ՍՄԱՐԹ կենտրոնի և ՔՈԱՖ-ի այլ ստորաբաժանումների հետ՝ լավագույն փորձը կիրառելու և նորարար լուծումներ առաջարկելու համար։
Պարբերաբար ներկայացնել հաշվետվություններ և առաջարկություններ ղեկավար թիմին՝ կենտրոնների ընդլայնման գործընթացների և առաջընթացի վերաբերյալ:

ՊԱՀԱՆՋՎՈՂ ՈՐԱԿԱՎՈՐՈՒՄՆԵՐ

Կրթություն | Բակալավրի կամ մագիստրոսի աստիճան կրթության կառավարման, հանրային կառավարման, կամ հարակից ոլորտներում։

Հմտություններ

Արդյունավետ կազմակերպչական հմտություններ,
Թիմային աշխատանք և միջանձնային արդյունավետ հաղորդակցություն,
Վերլուծական մտածողություն և տվյալահեն որոշումների կայացման ունակություն,
Հայերենի և անգլերենի գերազանց իմացություն (գրավոր և բանավոր),
Թվային գործիքների և ՏՏ համակարգերի լավ իմացություն,
Ունենալ կրթության կառավարման, ծրագրերի պլանավորման և հետազոտական փորձառություն,
Ունենալ միջազգային և տեղական կրթական ծրագրերի նկատմամբ հետաքրքրություն և դրանց կիրառման մեթոդաբանության իմացություն:
Տվյալների հավաքագրման, վերլուծության և ներկայացման հմտություններ:

Փորձառություն

Նախընտրելի է աշխատանքային փորձ ծրագրերի կառավարման կամ կրթության ոլորտում։ ՔՈԱՖ—ի ծրագրերի շրջանավարտների թեկնածությունները կդիտարկվեն առաջնայնության սկզբունքով։

ՄԵՆՔ

«Հայաստանի մանուկներ» բարեգործական հիմնադրամը (ՔՈԱՖ) բարեգործական կազմակերպություն է, որի նպատակն է բարձրացնել Հայաստանի գյուղաբնակների կյանքի որակը համայնքային զարգացման երեխայակենտրոն ծրագրերի միջոցով: ՔՈԱՖ-ի զարգացման թիրախային ոլորտներն են կրթությունը, առողջապահությունը, երեխայի և ընտանիքի աջակցության ծառայությունները, ինչպես նաև սոցիալական և տնտեսական զարգացումը: ՔՈԱՖ-ը մեկնարկել է իր ծրագրերը 2004թ.-ին՝ սկսելով մեկ գյուղից և ընդլայնվելով դեպի 82 համայնք՝ ներդնելով ավելի քան 70 մլն ԱՄՆ դոլար՝ համայնքային ենթակառուցվածքների և զարգացման ծրագրերի մեջ, իր թիրախում ունենալով 107,000-ից ավել գյուղաբնակ շահառու:

2015թ. սկսած՝ ՔՈԱՖ-ը մշակել և իրագործում է ՍՄԱՐԹ նախաձեռնությունը: ՍՄԱՐԹ-ը կրթության միջոցով առաջխաղացում է ապահովում գյուղական աշխարհի համար, ինչի արդյունքում շահում են անհատները, հասարակությունը և միջավայրը: Որպես զարգացման օրինակելի մոդել՝ ՍՄԱՐԹ-ն այժմ տարածվում է Հայաստանի այլ մարզերում և համայնքներում:

ՔՈԱՖ ՍՄԱՐԹ առաջին կենտրոնը տեղակայված է Լոռու մարզի Դեբետ գյուղում. բացումը կայացել 2018 թ. մայիսի 27-ին։

ՄԵՆՔ ԱՌԱՋԱՐԿՈՒՄ ԵՆՔ

Կյանք փոխող աշխատանքային փորձ,
Աշխատանք, որը կկարևորես ու կսիրես,
Մրցակցային աշխատավարձ,
Մասնագիտական աճի հնարավորություններ,
Դրական և ստեղծագործ աշխատանքային միջավայր։

ՍՊԱՍՈՒՄ ԵՆՔ ՔԵԶ

Կատարիր քո առաջին քայլն ու դիմիր հիմա։

Վերջնաժամկետը՝ 2025թ․ փետրվարի 28-ի օրվա ավարտն է։

Կազմակերպությունն ամենօրյա հաճախականությամբ հետևում է հայտերին ու գնահատում դրանք, ինչի արդյունքում կազմակերպվում են ընթացիկ հարցազրույցներ։ Ուստի աշխատակցի ընտրությունը կարող է կատարվել հընթացս։