Վաղ մանկան կրթության մեր ծրագիրը ներառում է միջառարկայական կրթական ակտիվություններ 3-6 տարեկան երեխաների համար, այդ թվում՝ արվեստի, երաժշտության, թատերարվեստի, խաղերի և ֆիզիկական վարժությունների դասընթացներ: Այս ծրագրերի միջոցով մենք բացահայտում ենք երեխաների ուժեղ կողմերը, շարժում հետաքրքրասիրությունը, խթանում սովորելու ցանկությունը:

Մեր հոգեբանական ծառայությունները կենտրոնացած են երեխաների բարեկեցության, հոգեկան առողջության պահպանման վրա, որի միջոցով էլ հարթվում է դեպի կենսուրախ և հավասարակշռված մեծահասակ դառնալու ճանապարհը։ Մենք նաև տրամադրում ենք հոգեբանական խորհրդատվություն և աջակցություն ծնողներին՝ օգնելով նրանց հաղթահարել իրենց երեխաների առջև ծառացած մարտահրավերները, ինչպիսիք են ուսման դժվարությունները, բուլինգը, դպրոցի հետ կապված սթրեսը և այլ կարևոր թեմաներ:

Մենք 3 և բարձր տարիքային խմբի երեխաներին առաջարկում ենք լոգոպեդական համապարփակ ծրագիր, որը համատեղում է շտկողական աշխատանքների անհատական ու խմբային ձևաչափերը։ Այն նպաստում է դպրոցին նախապատրաստվելուն և գրագիտության հմտությունների զարգացմանը՝ վերացնելով լոգոպեդիայի հետ կապված կարծրատիպերը:

Գործի դնելով մեր նվիրված սոցիալական աշխատողների երկարամյա փորձը՝ մենք ձգտում ենք գյուղաբնակ ընտանիքների սոցիալական ու տնտեսական կարիքների բավարարմանը։ Մանրակրկիտ գնահատման միջոցով մեր մասնագետներն անհատներին և ընտանիքներին օգնում են վերհանել չբացահայտված ներուժը։ Արդյունքում նրանք սկսում են օգտագործել նախկինում իրենց համար  անհայտ  հնարավորություններն ու ռեսուրսները։