✦ Հայ երիտասարդների հզորացում | Զգացեք ստեղծագործական կրթության փոխակերպիչ ազդեցությունը և տեսեք, թե ինչպես է այն անդրադառնում գյուղաբնակ հայ երեխաների տաղանդների ու հմտությունների զարգացման վրա:
✦ Համայնքային զարգացում | Բացահայտեք կրթության, ստեղծագործականության և մշակութային փոխանակման միջոցով համայնքների զարգացման մեր մոտեցումը:
✦ Համագործակցություն | Ականատես եղեք «Վահէ և Լյուսի» հիմնադրամի ու ՔՈԱՖ-ի՝ դրական փոխակերպմանն ուղղված ջանքերին։
✦ Հանրահայտ արվեստագետների մասնակցությամբ աշխատարաններ
Ծրագրի շրջանակում նախատեսվում են արվեստի 6 ուղղությամբ աշխատարաններ, որոնք կիրականացնեն նշանավոր արվեստագետներ Հայաստանից ու արտերկրից։ Դրանք ընդգրկում են հետևյալ ճյուղերը՝ պար, նկարչություն, թվային նկարչություն, երաժշտություն, կատարողական արվեստ և ձայնային ձևավորում:
✦ Ոգեշնչող այցեր մշակութային տարաբնույթ վայրեր
Նպատակ ունենալով երեխաներին ծանոթացնել Հայաստանի հարուստ մշակութային ժառանգությանը, ինչպես նաև նրանց ներկայացնել արվեստի ոլորտում կարիերայի զարգացման հնարավորությունները՝ նախաձեռնության ընթացքում կիրականացվեն այցեր մշակութային հայտնի վայրեր։
✦ Արվեստի բաց մրցույթ
Որպես ծրագրի յուրատիպ ամփոփում՝ նախատեսվում է իրականացնել արվեստի բաց մրցույթ, որի նպատակն է ինքնաարտահայտման հարթակ ստեղծել մարզաբնակ տաղանդավոր երիտասարդների համար։ Այս տարի մրցույթի թեման ոգեշնչված է լեգենդներ Շառլ Ազնավուրից և Սերգեյ Փարաջանովից։
✦ Թեմատիկ ցուցահանդես
Գյուղաբնակ երիտասարդների ստեղծագործական տաղանդը հնարավոր կլինի վայելել արվեստի ցուցահանդեսի ընթացքում։ Նշելով տաղանդավոր երկու հայերի՝ Ազնավուրի ու Փարաջանովի 100-ամյակը՝ մենք կիրականացնենք խորհրդանշական ցուցահանդես, որի շրջանակում երիտասարդ արվեստագետները հնարավորություն կունենան ցուցադրել իրենց աշխատանքները։
Եկեք միասին բացահայտենք ստեղծագործական անսպառ հնարավորությունները Լոռու ՔՈԱՖ ՍՄԱՐԹ կենտրոնում: «Վահէ և Լյուսի» հիմնադրամի հետ շարունակական համագործակցության շրջանակում մեզ սպասվում է արվեստի հագեցած ծրագիր՝ ուղղված տաղանդների զարգացմանը, մշակութային փոխանակմանը և նորարարությունների խթանմանը:
«Հայաստանի մանուկներ» բարեգործական հիմնադրամը (ՔՈԱՖ) շահույթ չհետապնդող հասարակական կազմակերպություն է, որի նպատակն է բարձրացնել Հայաստանի գյուղաբնակների կյանքի որակը համայնքային զարգացման երեխայակենտրոն ծրագրերի միջոցով:
Նյու Յորք, ԱՄՆ
149 5-րդ պողոտա, Suite 500
Նյու Յորք, NY 10010
+1 (212) 994-8234
coaf@coaf.org
Երևան, Հայաստան
Մելիք Ադամյան 2/2
Երևան 0010, ՀՀ
+374 10 502076
Շահույթ չհետապնդող կազմակերպություն (#11-3579187)։ © 2005-2024 «Հայաստանի մանուկներ» բարեգործական հիմնադրամ։ Բոլոր իրավունքները պահպանված են։
ԿԱՊ ՄԵԶ ՀԵՏ
